Tal rai čuă anai pơgôp ngă hơkrŭ đăo gơnang bruă kơđi čar, laih dong pơtrut ngă hrŏm kơplah wah Việt Nam hăng Sri Lanka amăng djop mơta bruă hơmâo kơđi čar, pơtom hiăp, pơgang rơnuk rơnua, bruă ling tơhan, bơwih ƀong huă, tuh pơ alin, pơbưp nao rai mơnuih ƀôn sang…yak nao sit nik, tŭ yua ƀiă dong.

Bruă Khua mir sir dêh čar Sri Lanka rai čuă Việt Nam hăng nao ngă yang phơ̆t đản Sang gum hơbit djop dêh čar Vesak lĕ pơdah pran pơlir hơbit dơlăm kơ gru grua hăng tơlơi đăo phơ̆t kơplah wah dua boh dêh čar. Tơdơi kơ mông čơkă, Khua mir sir ơi Lương Cường hăng Khua mir sir Sri Lanka ba jơlan hlâo grup khua mua pơprong dua bơnah nao jơnum bơkơtuai, lăng glăi boh than ngă hrŏm kơplah wah dua bơnah amăng thun blan rơgao hăng ba tơbiă hơdôm hơdră bruă ngă hrŏm pơ anăp.