Ƀơi mông jơnum, ƀing ding kơna amăng Jơnum min tŭ ư hrŏm boh yom phun hơdôm pok hră brơi ngă djơ̆ tơlơi pơtrun. Lăi pơtong anŏ tŭ yua, tơlơi yom čih pioh gru phun kơ bruă čih pơkra glăi, pơhrua Phian phiăn, ơi Trần Thanh Mẫn rơkâo brơi pok pơhai tañ ngă tui akŏ bruă pơphun mă hiăp mơnuih ƀôn sang, khua mua pơaladjop sang bruă, gơnong bruă amăng kơnuk kơna hăng pơtô brơi hơdră pơphun jơnum hmư̆ pơgôp hiăp, čih pioh pơƀut glăi hơdôm tơlơi pơgôp hiăp mơ̆ng mơnuih ƀôn sang lăi nao kơ bruă pơhrua glăi Phiah phiăn thun 2013.

Ơi Trần Thanh Mẫn rơkâo, dơ̆ng mơ̆ng lơ 6/5, amra pơphun mă hiăp mơnuih ƀôn sang pơgôp brơi Hră pơtrun čih pơkra pơhrua glăi Phiah phiăn thun 2013 laih anun hơdôm pok hră pơdjơ̆ nao hơmâo pơthâo amăng Plang tơlơi pơhing Kơnuk kơna, plang tơlơi pơhing sang bruă pơ ala mơnuih ƀôn sang dêh čar, djop sang bruă pôr tơlơi pơhing kah hăng: Gong phun pơdah rup Việt Nam (VTV), Gong phun pơtui jua pơhiăp Việt Nam (VOV), hră pơhing phrâo Việt Nam (TTXVN) hăng Plang tơlơi pơhing plang internet mơ̆ng Jơnum min mơnuih ƀôn sang djop tơring čar, ƀôn prong gah dêh čar wai lăng.