Thun 2023, prăk sĭ mơdrô boh čroh đang hmua tơring čar Dak Lak, ba nao pơ kual Mi kô̆ pơhrui glăi 1,5 klai USD; thun 2024 đĭ tui truh 1,88 klai USD. Tui hăng ƀing mơnuih rơgơi kơhnâo, EVFTA pok pơhư brơi anŏ gêh găl prong kơ djop mơta gơnam boh čroh đang hmua kah hăng kơphê, tiu, boh čroh, ia hơni....dưi ba nao pơ anih sĭ mơdrô prong thun anai.

Jơnum bơkơtuai anai, hơmâo čih pioh lu tơlơi pơgôp hiăp kơ bruă čih pơkra tơlơi pơkă bruă sĭ mơdrô pơhlôm hơđong nua, sa bruă khom ngă tui ƀơi kual Mi kô̆, ƀu kơnong amăng bruă mă ngă hmua pla pơjing đôč ôh, wơ̆t bruă mă bơkơnar, pơgang anih dŏ jum dar, ayuh hyiăng, tơlơi gơgrong ba mơ̆ng abih bang mơnuih mơnam. Tơring čar Dak Lak pơtong rơđah EVFTA jing pran kơtang djru kơ gơnam boh čroh đang hmua tui hơdră pơkra ming phrâo, tơpă rơgoh hăng akŏ pơjing anih anom phun djru ba hơdră ngă hrŏm sĭ mơdrô tui tơlơi pơkă EVFTA, kiăng gum hrŏm ƀing sĭ mơdrô amăng tơring čar.