Khua dêh čar ơi Phạm Minh Chính lăi pơtŏng tal čuă jơmư anai yôm biă mă amăng hrơi mông dua boh dêh čar ngă lơphet 75 thun hrơi akŏ pơdong tơlơi rô nao rai pơtom hiăp (1950-2025) hăng Việt Nam ngă lơphet 80 thun akŏ pơdong kơnuk kơna.

Khua dêh čar pơsit Việt Nam ƀu wơr ôh tơlơi dong yua, gum djru yôm mơ̆ dêh čar Hungary pioh kơ dêh čar Việt Nam amăng rơnuk blah ayăt pơklaih rơngai lŏn ia, pơlir hơbit lŏn ia hlâo adih hăng akŏ pơdong, pơđĭ kyar lŏn ia ră anai. Dua bơnah tŭ ư pok pơhai tŭ yua hloh hơdôm tơlơi hơmâo kĭ pơkôl kơplah wah dua bơnah, pơtrut ngă hrŏm amăng bruă sĭ mơdrô - tuh pơ alin, boh thâo - ia rơgơi, pơtô hăng pơjuăt, ling tơhan - rơnuk rơnua, ia jrao, gru grua - tuai hyu ngui hăng pơbưp mơnuih ƀôn sang, laih dong pok prong ngă hrŏm amăng bruă mơ̆ dua bơnah gêh gal hloh laih anun kiăng djru nao rai kah hăng pơplih phrâo mrô, ia rơgơi ană mơnuih pơčeh phrâo, bruă hmua, ia jrao, mơnuih mă bruă.