Dưi pơphun tal hơdor glăi 33 thun hrơi akô̆ pơjing bruă pơtom hiăp, tal nao čuă amra pơđom pioh gru than phrâo amăng tơlơi rô nao rai dua bơnah. Dua bôh dêh čar hmâo laih lu bôh tơhnal yôm phăn, ƀuh rơđah hloh bruă sĭ mơdrô dua bơnah đĭ kyar kơtang hăng prăk pơhrui glăi thun 2024 hmâo giăm truh 1 klai dolar Mi - rơnoh dlông hlong mơ̆ng hlâo truh kơ ră anai gah gơnam sĭ mơdrô nao rai.

Bruă tuh pơplai pơphun dik dăk mơ̆ng dua bơnah. Ră anai dua bôh dêh čar ăt glăk pơtrut gum hrŏm mơn amăng bruă blơi sĭ gơnam măi mok pơgang lŏn ia. Hăng tơhnal pok prong, tal nao čuă mơ̆ng Khua git gai Ping gah dêh čar ơi Tô Lâm dưi čang rơmang amra ngă gal brơi pioh khua git gai hơdôm gưl dua bôh dêh čar pơbưp, lăi pơthâo nao rai hăng pok prong gum hrŏm amăng hơdôm bruă khom ngă mơ̆ 2 bôh dêh čar amra dưi djru nao rai./.