Đĭ pơhiăp amăng mông ngă lơphet, Trung tướng Nguyễn Anh Tuấn- Khua apăn bruă anom bruă tơhan wai pơgang guai Việt Nam pơpŭ hơdôm tơlơi gum pơgôp prong prin mơng ling tơhan amăng 50 thun rơgao, laih dong rơkâo tŏ tui tơlơi sit nik kiăng pok pơhai djop mơta hơdră bruă, bruă jao wai pơgang guai. Đại tá Đào Viết Hùng, Khua git gai anom bruă git gai ling tơhan wai pơgang guai tơring čar Dak Lak pơsit tong, tơlơi gir run amăng pơjing ling tơhan ngă bruă klă, ƀơƀrư̆ pơplih phrâo, akĕ phĭ tui Ping gah, kơnuk kơna, khul ling tơhan hăng mơnuih ƀôn sang.

Pơ ala brơi khua mir sir, Trung tướng Nguyễn Anh Tuấn jao miđai wai pơgang lŏn ia mrô III kơ anom bruă ling tơhan wai pơgang guai tơring čar Dak Lak, tŭ yap hơdôm tơlơi gum pơgôp prong hăng kjăp phik mơng ling tơhan amăng bruă wai pơgang lŏn ia.