Mut nao mơyut hlâo, Grup khua gum bruă git gai Ping gah dêh čar Việt Nam yua ơi Tô Lâm, Khua git gai Ping gah, ngă Khua grup mut nao mơyut jôk rơgŏm ơi Trần Đức Lương, Khua mir sir hơđăp dêh čar ta.

Mut nao mơyut Khua mir sir hơđăp ơi Trần Đức Lương, Khua git gai Ping gah ơi Tô Lâm čih amăng hră nao mơyut: “Rơngot biă mă kơ ơi Trần Đức Lương - mơnuih ping gah Cộng sản tơpă sit, sa čô khua abih pran jua ngă bruă, ba gru, jing mơnuih rơgơi mơbruă mơ̆ng tơring čar Quảng Ngãi sông kơtang, hơmâo gru ngă hơkrŭ.

Rơgŏm ơi Trần Đức Lương abih tơlơi hơdip gum ngă hơkrŭ lŏn ia mơ̆ng Ping gah hăng Djuai ania ta. Hăng djŏp bruă mă, ñu lêng pơƀuh pran jua kjăp bruă kơđi čar, hơmâo tơlơi pơmin klă, hơmâo hơdră ngă bruă rơgơi, abih pran jua; hơmâo tơlơi hơdip jê̆ giăm, thâo lua gŭ, pơhiăp mơ-ak hăng ƀing gŏp, adơi ayong, mơnuih ƀôn sang...hơmâo ƀing gŏp ngă bruă, adơi ayong, gơyut gơyâo hăng mơnuih ƀôn sang ƀu-eng biă mă.

Ñu djai jing tơlơi rơngiă prong biă mă hăng Ping gah, Kơnuk kơna hăng mơnuih ƀôn sang ta. Kŭp akŏ h’ŭ ƀơi anăp bơngăt atâo hăng rơngôt hrŏm sang anŏ kơtang biă mă”.

Grup Khua mir sir lŏn ia Cộng hòa xã hội chủ nghĩa Việt Nam yua ơi Lương Cường, Ding kơna Ding jum kơđi čar, Khua mir sir lŏn ia Cộng hòa xã hội chủ nghĩa Việt Nam, ngă khua grup mut nao jôk atâo rơgŏm ơi Trần Đức Lương, Khua mir sir hơđăp.

Grup Khua Kơnuk kơna Cộng hòa xã hội chủ nghĩa Việt Nam yua ơi Phạm Minh Chính, Ding kơna ding jum kơđi čar, Khua dêh čar Cộng hòa xã hội chủ nghĩa Việt Nam, ngă Khua grup mut nao jôk rơgŏm ơi Trần Đức Lương, Khua mir sir hơđăp. 

Grup khua mua pơ ala mơnuih ƀôn sang dêh čar Cộng hòa xã hội chủ nghĩa Việt Nam yua ơi Trần Thanh Mẫn, Ding kơna Ding jum Kơđi čar, Khua git gai pơ ala mơnuih ƀôn sang dêh čar Cộng hòa xã hội chủ nghĩa Việt Nam, ngă Khua grup mut nao jôk rơgŏm ơi Trần Đức Lương, Khua mir sir hơđăp.                   

Grup Jơnum min djŏp djuai ania mơnuih mơnam Việt Nam yua ơi Đỗ Văn Chiến, Ding kơna Ding jum kơđi čar, Khua djru bruă git gai Ping gah, Khua Jơnum min djŏp djuai ania mơnuih mơnam Việt Nam, ngă Khua grup mut nao jôk rơgŏm ơi Trần Đức Lương, Khua mir sir hơđăp.

Mông ngă yang h’ŭ, hơdor kơ rơgŏm ơi Trần Đức Lương hơmâo pơphun lơ̆m 7 mông mơguah lơ 25/5/2025, ƀơi Sang jôk atâo Dêh čar, mrô 5 Trần Thánh Tông, ƀôn prong Hà Nội. Mông pơyua lơ̆m 3 mông tlam hrơi anun mơn ƀơi Pơsat plơi pla ñu, să Phổ Khánh, plơi prong Đức Phổ, tơring čar Quảng Ngãi.