Bruă măi mok đĭ rơbêh kơ 20% bơhmu hăng thun hlâo, rơnoh lu hloh yap mơ̆ng akô̆ thun. Bruă pơkra hăng pơkĕ hyu apui jing bruă phun hăng mrô ñu rơbêh kơ 2,4 klai kWh, đĭ 16%. Bruă sĭ mơdrô, tuai čuă ngui ăt hơkrŭ glăi rơđah mơn, abih bang rơnoh sĭ raih daih gơnam tam hăng pơhrui glăi mơ̆ng bruă blơi sĭ đĭ giăm truh 15%, mrô tuai čuă ngui đĭ lu ha mơkrah bơhmu hăng thun hlâo.

Biă ñu, pơhrui ngăn drăp hmâo giăm truh 5.000 klai prăk, đĭ rơbêh kơ 35% bơhmu hăng thun hlâo. Amăng bruă đang hmua, khă akă truh bơyan pơhrui phun, bruă rông hlô hơkrŭ glăi tañ dong, abih bang pŭ hlô rông đĭ rơbêh kơ 17%, mrô añăm hlô đĭ giăm truh 6%. Bruă pơgang, pơgăn klin ruă hăng rông glăi hlô dưi ngă tui ha amăng plĕ, ba glăi bôh tơhnal, pơhlôm hơđong gơnong bruă rông hlô./.