Pơtum glăi mông jơnum, Kơ-iăng khua dêh čar ơi Nguyễn Chí Dũng git gai Ding jum boh thâo ia rơgơi hăng boh thâo măi mok lăi pơthâo rơđah djŏp tơlơi pơtrun, bruă kah pơpha gưl ngă bruă tui hăng pran jua gong gai plơi pla pơsit mă, plơi pla ngă, plơi pla gơgrong bruă. Hăng bruă mă mơ̆ng gưl tơring glông, khŏm ngă rơđah bruă hơget kiăng ba nao pơ tơring čar, bruă hơget ba glăi pơ gưl să. Pơhmư̆ tơlơi pơgôp hiăp mơ̆ng hơdôm Ding jum, anom bruă, hơmâo tơlơi hơget aka ƀu rơđah, dŏ gun khŏm tơña glăi, ngă tañ, ngă djơ̆.

Hăng 154 bruă mă ƀu kah pơpha tui gưl ngă bruă, kiăng lăng glăi abih bang, bruă hơget dưi kah pơpha gưl mă bruă, pơhlôm djơ̆ hrơi pơkă, ngă giong bruă čih pơkra tơlơi pơtrun hlâo lơ 30/5/2025 kiăng Ding jum Tơlơi phiăn sem lăng pơsit. Laih anun ngă hră pơtrun hlâo lơ 25/6/2025, ba mă yua mơ̆ng lơ 1/7/2025.