Kơ rơwang bruă laih rơgao thun 2020-2025, Khua dêh čar lăi rơđah, amăng thun blan hơmâo lu tơlơi pơblih tơnap tap aka ƀu hơmâo djơ̆ ôh kah hăng klin Covid 19, tơlơi blah ngă ƀơi jar kmar, tơlơi truh lŏn adai ngă...., kơnuk kơna khom pơtum nao kơ bruă khut khăt hloh, đing nao čuk pơkra jơlan hăng man pơdong, ngă pơgiong hră pơtrun, dăp bruă, mơnuih apăn bruă; pơhlôm hơđong bruă mă pơprong, pơsir bruă mă amăng tơlơi hơdip mơda mơnuih ƀôn sang.

Khă tui anun, dŏ glăi hơmâo mơ̆n tơlơi pơtrun bơrơkua nao rai, kiăng pơblih hơdră ngă hră pơar djơ̆ hăng anŏ kiăng, tơlơi tơpă mă bruă aka ƀu khut khăt ôh. Khua dêh čar pơtrun hiăp, hră pơtrun lăi rơđah tơlơi hrăm pơƀuh glăi bruă mă laih rơgao mơ̆gn anai pơ klôn, kiăng pơdah thâo hơdră mă bruă pơ anăp anai dơ̆ng; kơtưn kiăng pơđĭ kyar truh dua mrô, rơnoh pơhrui glăi pơkă dưm dưm sa čô mơnuih mă bruă sa thun hơmâo 8.500 USD, 20% mrô sang bruă ping gah ngă giong bruă jao tŭ yua hiam. Bruă phun đing nao pơblih yua mrô pơđĭ kyar mơtah mơda, hơđong kơjăp; ngă giong bruă čuk pơkra jơlan phun, kơtưn bruă pơgang tơlơi rơnuk rơnua, hơđong amăng dêh čar.