Khua git gai Ping gah dêh čar črâo rơđah tơhnal gal pơlir kơplah wah dua tơring čar hăng lăi rơđah ba tơbiă pơmut hrŏm Kon Tum hăng Quảng Ngãi lĕ yak nao khom ngă pioh pơjing anom mă bruă čar hmâo rơwang prong hloh, tơhnal pơđĭ kyar tañ hloh, jing rơnoh đĭ kyar kual Tŏng Krah – Dap Kơdư.

Khua git gai Ping gah dêh čar rơkâo pơdŏng tơhnal lăng pơđĭ kyar phrâo, nao hrŏm kual Ngŏ – Yŭ, tŭ mă kual pơkă lăp djơ̆ kual pơkă lŏn ia, anăp nao đĭ kyar hơdjă, kơjăp hăng hơdră lu anih anom phun. Hrŏm hăng anun, Khua git gai Ping gah dêh čar rơkâo prăp lui tŏng ten Jơnum Ping gah hơdôm gưl, ngă tui djơ̆ tơlơi pơkă, bĕ pơmut hrŏm măi mok, pơhlôm sit nik tơlơi phrâo tơdơi kơ pơmun hrŏm./.