
Amăng mông mă bruă, Khua git gai Ping gah dêh čar ta ơi Tô Lâm lăi rơđah, mă bruă hăng Grŭp apăn bruă Ping gah 2 tơring čar Gia Lai hăng Bình Định jing tơlơi tô̆ tui hơdôm tơlơi črâo ba hluh gah pioh pok tơbiă sa rơwang pơđĭ kyar phrâo brơi kơ 2 tơring čar, biă ñu amăng hơdôm hrơi prăp lui pơmut hrŏm 2 bôh tơring čar Gia Lai hăng Bình Định jing sa anom bruă čar – bơwih ƀong kơtang, rơnuk anai hăng ba glăi bôh tơhnal hloh.

Tơdơi kơ črâo rơđah hơdôm tơhnal gal ƀuh rơđah mơ̆ng 2 tơring čar, Khua git gai Ping gah dêh čar čang rơmang hơdôm gưl Ping gah, gong gai, glông bruă kơđi čar hăng mơnuih apăn bruă dua bôh tơring čar khom thâo tum djop hăng ngă tui đut hlah hơdôm anô̆ djơ̆ hrŏm hăng djru nao rai bruă khom ngă kơplah wah Gia Lai hăng Bình Định, lăng anun lĕ phun yôm phăn kơ bruă pơsit tơhnal lăng pơđĭ kyar mơ̆ng tơring čar tơdơi pơmut hrŏm./.
Viết bình luận