Tlam (23/5), Kơ-iăng Khua dêh čar Lê Thành Long mă bruă hăng Ding jum pơtô pơjuăt kơ črăn tơlơi pơtrun kơ bruă pơpha bruă mă mơng gong gai ƀon lan amăng bruă pơtô pơjuăt tui hơbô̆ bruă pơphun gong gai ƀon lan amăng dua gưl hăng črăn tơlơi pơtrun kơ bruă kah gưl, jao bruă amăng wai lăng kơnuk kơna amăng pơtô pơjuăt. Amăng mông jơnum, hơdôm tơlơi pơgôp hiăp mơng ding jum, gơnong bruă lăng yôm tơlơi gir run mơng ding jum pơtô pơjuăt, anai lĕ Ding jum blung a mơ-it nao črăn tơlơi pơtrun kơ Ding jum phiah phiăn kiăng kơ sem lăng.

Pơđut mông jơnum, Kơ-iăng Khua dêh čar ơi Lê Thành Long rơkâo Ding jum pơtô pơjuăt pel ĕp, lăng glăi djop bruă jao ră anai hăng pơƀuh rơđah tơlơi dưm mơng djop gưl. Kơ-iăng Khua dêh čar ăt rơkâo Ding jum pơtô pơjuăt kiăng kơsem min pơhrua tơlơi glăm ba amăng kah gưl brơi gưl să. Hăng bruă jao amăng bruă anai, gưl ƀon lan ăt dưi ngă tui lu ƀiă dong. Kơ-iăng Khua dêh čar tŭ ư sa, dua boh tơhnal kơ bruă jao glăi tơlơi glăm ba mơng Kơnuk kơna, Khua dêh čar jao brơi ding jum pơtô pơjuăt.