Khua git gai Ping gah bơni kơ hơdôm tơlơi gir run mơ̆ng abih bang anom bruă kơđi čar, anom bơwih ƀong hăng mơnuih ƀôn sang 3 boh tơring hơmâo ngă lăp hơdor biă mă, laih dong pơsit: tơlơi ngă hrŏm kơplah wah klâo boh tơring čar Phú Thọ, Vĩnh Phúc hăng Hòa Bình jing hơyak rơbat lăp djơ̆ kiăng akŏ pơjing sa boh tơring phrâo djơ̆ hrŏm gah anih anom lŏn ia, hơmâo lu tơlơi gêh gal, dưm kơnar kơ anih đĭ kyar hăng hăng pơtruh nao rai, pơhrua nao rai ƀơi djŏp glông ngă bruă.

Khua git gai Ping gah kiăng ječ ameč samơ̆ sit mơtăm lĕ khŏm ngă giong bruă dăp glăi anom bruă kơnuk kơna tui hơbô̆ bruă gong gai dua gưl, pơhlôm ngă bruă hơbôt,b tŭ yua, rơđah hăng hơmâo ngă hruaih; čih pơkra glăi hơdră đĭ kyar bơwih ƀong huă - mơnuih mơnam abih bang kơ sa boh tơring čar phrâo klă ƀiă, djơ̆ glông, lăng nao pơ anăp.