Khul git gai 35 mơ̆ng Gơnong dlông jơnum pơƀut bruă mă 6 blan akŏ thun 2025
Thứ năm, 16:42, 03/07/2025 VOV/Nay Jek pơblang VOV/Nay Jek pơblang
VOV4.Jarai-Tlam lơ 2/7, ƀơi Hà Nội, Khul khua mua git gai 35 mơ̆ng Gơnong dlông jơnum pơƀut bruă mă amăng 6 blan akŏ thun hăng pok pơhai bruă mă 6 blan rơnuč thun 2025.

Ƀơi mông jơnum, ƀing khua mua pơtum lăi nao, pơblang tong ten tơlơi pôr pơthâo, pơtô lăi pơgang atur tơlơi pơmin mơ̆ng Ping gah; boh tơhnal ƀuh rơđah amăng bruă mă kiăng thâo tơlơi pơhing, pơhlôm, pơgăn hăng gah lui tơlơi pơhing pơčeh ƀlor ča čot, pơkơdong glăi hăng bruă mă mơ̆ng ƀing ngă bruă sĭ mơdrô tač rơngiao, brơi lŏm lui tơlơi čih pơhing tă tăn ngă soh tơlơi phiăn; rơkâo brơi pơsir hĭ tơlơi tơnap tap, khut khăt sem lăng, ĕp kơđi tơlơi soh, pơtong rơđah pô ñu ngă soh, bruă ngă soh laih anun hơdră pơsir kơđi.

Akŏ bruă či ngă mơ̆ng khul khua mua 35 gơnong dlông amăng tơlơi pơhing phrâo. Klah čun ƀơi mông jơnum, Khua gum bruă git gai ping gah dêh čar, Khua git gai khul 35 mơ̆ng gơnong dlông ơi Trần Cẩm Tú lăi pơtong, mơ̆ng ră anai truh abih thun le, abih bang amăng ping gah, khul ling tơhan, mơnuih ƀôn sang gir run abih pran jua pơkơtưn mă bruă ngă tui tŭ yua Hră pơtrun Jơnum ruah khua ping gah dêh čar tal 13 hăng lu jơlan hơdră pơprong mơ̆ng gơnong dlông, pơphun jơnum ruah khua ping gah djop gưl, anăp nao jơnum rua khua đơ đam dêh čar tal 14.

 

VOV/Nay Jek pơblang

Viết bình luận

TIN CÙNG CHUYÊN MỤC

Video

Klêi mtă mtăn kơ jih jang
Ŏ buôi krô
29/07/2024
Tơgŭm ƀô đô̆i tơblăh ayăt
13/07/2024
Việt Nam ngời sáng tương lai
11/07/2024