
Tơring čar Lâm Đồng ră anai hơmâo 180 km jơlan rơdêh đuăi hmar, giăm 1.400 km jơlan dêh čar hăng giăm 1.300 km jơlan amăng tơring čar. Măng bơyan hơjan hlim rơbŭ kơthel anao djop arăt jơlan amăng tơring čar Lâm Đồng kah hăng: jơlan 20, 27, 28B, jơlan 55....ƀuh lu anih lŏ tơhlŏm dlưh čư̆, lu črăn ia lingdăo ngă kơđông jơlan nao rai.
Kiăng pơhlom brơi jơlan nao rai huăi kơđông amăng bơyan hơjan hlim thun anai, tơring čar Lâm Đồng hlăk ngă tui bruă jŭ yap glăi, čih pioh tum teč djop anih juăt hơmâo lŏn tơhlŏm, ngă kơđông jơlan ƀơi 8 arăt jơlan phun dêh čar hăng jơlan tơring čar, laih dơ̆ng ĕp hơdră bong glăi rơđah rơđong.

Jơnum min mơnuih ƀôn sang tơring čar Lâm Đồng git gai djop sang bruă boh nik ñu đing nao bruă pơhlom tơlơi rơnuk rơnua rô nao rai ƀơi črăn jơlan lŏn tơhlŏm, ia dăo hlâo kơ pơmut tơring čar Lâm Đồng, Dak Nông, Bình Thuận. Pơdjơ̆ nao kơ anih lŏn tơhlŏm jơlan 14 ƀơi Gia Nghiã, tơring čar pơtrun hiăp hlâo koa truh bơyan hơjan hlim rơbŭ kơthel khom brơi mơnuih dŏ krăo lăng hrơi malm, amra djru mơtam sit hơmâo tơlơi truh, kiăng tañ ba nao măi mok, rơdêh čuk mă bruă pơsir mơtam tơlơi truh hơmâo.
Viết bình luận