
Ƀơi mông jơnum, khul pơ ala mơnuih ƀôn sang tơring čar Dak Lak pôr pơthâo hră pơtrun mơ̆ng Jơnum min apăn bruă phun pơ ala mơnuih ƀôn sang dêh čar kơ bruă pơčrâo anăn mơnuih ngă khua phun kơ tơring čar, ƀôn prong.

Yă Cao Thị Hòa An, Kơ-iăng khua git gai ping ga tơring čar, dưi ruah ngă khua khul pơ ala mơnuih ƀôn sang tơring čar Dak Lak rơwang bruă thun 2021-2026; ơi Trần Phú Hùng, ding kơna apăn bruă phun ping gah tơring čar hăng ơi Đỗ Thái phong, ding kơna apăn bruă ping gah tơring čar, dưi ruah ngă kơ-iăng khua khul pơ ala mơnuih ƀôn sang tơring čar; yă Phạm Thị Phương Hoa ngă khua grup tơlơi phiăn; yă Phan Thị Hà Phước ngă khua grup bơwih ƀong huă-kông ngăn; ơi Lê Văn Cường ngă khua grup gah gru grua-mơnuih mơnam; yă Đỗ Thị Như Tình ngă khua grup djuai ania. Pơhiăp ƀơi mông jơnum, yă Cao Thị Hòa An, Khua khul pơ ala mơnuih ƀôn sang tơring čar Dak Lak lăi, hăng đơ đam lŏn mơnai tơring čar phrâo prong rơbêh 18.000 km karê, mrô mơnuih ƀôn sang 3,34 klăk čô, Dak Lak jing sa amăng klâo boh tơring čar prong hloh amăng dêh čar ta, gah lŏn mơnai glai klô, sa boh tơring čar hơmâo djop anŏ gêh găl pioh pơtrut pơđĭ kyar hlom bom amăng lu bruă mă, jing anŏ gêh găl pơjing rai pran phrâo, anih anom pơđĭ kyar tơring čar Dak Lak tŏ tui pơđĭ kyar kơtang hloh hơdôm thun pơ anăp anai.
Viết bình luận