
Ƀơi mông jơnum bưp nao rai, khua khul Mi kô̆ hăng khua jơnum min kual Mi kô̆ lêng kơ lăi, EU lăng yom bruă rô nao rai hăng Việt Nam laih anun kiăng biă mă pơđĭ tui bruă ngă giăng mah dua bơnah hlom bom hăng kơjăp phik. Đing nao hlâo hloh lĕ tơlơi ngă giăng mah Việt Nam-EU hrơi blan pơ anăp, Khua dêh čar rơkâo dua bơnah pơtum nao kơ bruă kiăng pơđĭ tui rơnoh ngă giăng mah Việt Nam-EU jing bơnah ngă hrŏm kơjăp hăng hlom bom; ăt pơtrut bruă mă kiăng pơsit hĭ Hră pơkôl pơkă EVIPA; laih anun rơkâo EC sem glăi hăng lui hĭ tơlơi pơtrun kard kơñĭ IUU kơ gơnam sĭ mơdrô mơnong akan hơdang Việt Nam ba sĭ pơ kual Mi kô̆.

Khua mua kual Mi kô̆ tŭ ư ngă hrŏm pơtrut tui bruă đing nao hlâo hloh, hơmâo dơ̆ng dêh čar ngă ding kơna Eu pơsit hĭ hră pơkôl EVIPA. Lơ̆m hrơi blan tơlơi pơhing ƀơi rŏng lŏn tơnah hăng amăng kual dŏ rung răng, dua bơnah tŭ ư kơtưn ngă hrŏm pơtrut lu bơnah mă tơngan hơdai gum hrŏm bruă mă.
Viết bình luận