
Ƀơi mông jơnum, Ping gah tơring čar Dak Lăk lăi pơthâo tơlơi pơsit akŏ pơdong Jơnum min Pel ĕp Ping gah tơring čar kiăo tui bruă pơmut hrŏm Jơnum min pel ĕp kơđi Ping gah Dak Lăk hăng Phú Yên. Ơi Trần Trung Hiển, ding kơna apăn bruă Ping gah tơring čar hơmâo ruah ngă Khua Jơnum min pel ĕp kơđi Ping gah tơring čar.

Kơ anom bruă Ping gah, Ping gah djŏp anom bruă mơ̆ng tơring čar, rơwang thun 2020-2025 hơmâo akŏ pơdong, yua yă Cao Thị Hòa An, Kơ-iăng khua Ping gah tơring čar, Khua Jơnum min pơ ala mơnuih ƀôn sang ngă Khua Ping gah djŏp anom bruă. Ơi Tạ Anh Tuấn, Kơ-iăng khua Ping gah tơring čar, Khua Jơnum min mơnuih ƀôn sang tơring čar hơmâo ruah ngă Khua ping gah Jơnum min mơnuih ƀôn sang tơring čar. Hră pơhing hăng pôr pơhiăp - pơdah rup Dak Lăk hơmâo tum pơƀut jing sa anom bruă, yă Đào Phạm Hoàng Quyên ngă Khua dăp hơdră pơhing. Pơhiăp ƀơi mông jơnum, Khua ping gah tơring čar ơi Nguyễn Đình Trung kiăng djŏp gưl ping gah, khul grup anom bruă ping gah hăng hơdôm anom bruă pơƀut pôr pơthâo, hơmâo tơlơi pơmin djơ̆ hrŏm amăng khua mua, mơnuih mă bruă kơ tơlơi pơtrun pơmut hrŏm anom bruă gong gai kơnuk kơna, kiăng hơmâo tơlơi bơkơtưn, gir ngă truh kih, tŭ yua djŏp bruă kơđi čar amăng rơwang phrâo./.
Viết bình luận