
Gơnong bruă pơtô pơjuăt amra jao brơi giăm 1.640 čô mơnuih apăn bruă gum hrŏm wai lăng, čom puang…Kông ang tơring čar hơmâo dưm dăp 136 čô mơnuih apăn bruă, ling tơhan hăng 2 boh rơdêh yua amăng bruă hyu jao tơlơi pơplông. Gơnong bruă ia jrao ăt pơkiăo nao rơbêh 20 nai ia jrao djru gah bruă ia jrao ƀơi hơdôm anih pơplông.

Ơi Trần Sĩ Thành, Kơ-iăng Khua gơnong bruă pơtô pơjuăt brơi thâo, bruă pơtô hrăm hăng prap lui gơnam măi mok hơmâo pok pơhai mơng akŏ thun kiăng pơhlôm ƀing čơđai pơplông dưi rơbêh 98%. Ră anai hơmâo boh sang hră hơmâo pơgiong bruă pel ĕp anih pơplông, pơpha ƀing apăn bruă wai lăng, pel ĕp camera kiăo tui lăng hăng pơgang hŭi apui ƀong. Hơdôm gơnong bruă bơdjơ̆ nao glăk gum hrŏm kiăng tal pơplông anai pơphun rơnuk rơnua, hơđong, djơ̆ tơlơi pơkă.
Viết bình luận