Khua mir sir tŭ yap, pơpŭ bơni anom bruă Khua mir sir hơmâo pơphô bruă, mơ-it hră pơ-ar kơ Khua mua Kơnuk kơna tơlơi pơsit apah bơni hmao tlôn brơi hơdôm khul grup, ƀing mơnuih kiăng pơpŭ bơni amăng hơdôm jơnum pơƀut yôm phăn; pơpŭ bruă dưm dăp, ngă hơbot anih anom mă bruă kơđi čar, ngă tui hơbô̆ bruă gong gai 2 gưl.

Kơ jơlan gah, bruă jao pơ anăp anai, Khua mir sir pơtă, hrŏm hăng hơdôm tơlơi dưi, tơlơi gal, him lăng amra hơmâo lu tơlơi tơnap tap, tơlơi lông bơdjơ̆ nao bruă dưm dăp, pơphun hơbô̆ bruă gong gai phrâo, bruă mă amra lu tui; rơkâo anom bruă Khua mir sir kiăng ngă tui pran gơgrong, hơdeč hmar amăng bruă pơjing jơlan hơdră, akŏ bruă; laih dong tañ thâo tơlơi sit nik, kơsem min hăng gum hrŏm, prap lui kiăng hmao tlôn pơphô brơi hơdôm boh tơhnal lăp djơ̆ tơlơi sit nik, dơlăm, pơhlôm djơ̆ hrơi mông hăng ngă klă bruă mă djru brơi bruă git gai mơng Ping gah, Kơnuk kơna.