Čơtlăm lơ 13/7, Khua dêh čar ta ơi Phạm Minh Chính hrŏm hăng grŭp khua pơ ala Khua pơ ala mơnuih ƀôn sang dêh čar ƀôn prong Cần Thơ hmâo laih mông bưp mơnuih ƀôn sang tui akô̆ bruă hăng mơnuih apăn bruă, nai pơtô gưl dlông, ƀing kơsem min bôh thâo phrâo hăng mơnuih mă bruă gah gơnong bruă kơsem min hơdră mă yua măi pok ƀơi plơi pla.

Ƀơi anai, Khua dêh čar lăi rơđah tơlơi tŭ yua gru grua mơ̆ng Tal jơnum lok 9 khua pơ ala mơnuih ƀôn sang dêh čar tal 15, amăng anun Khua pơ ala mơnuih ƀôn sang dêh čar hmâo pel ĕp Tơlơi pơtrun pơsit pơplih pơkra Phiah phiăn, pơjing gru than tơlơi phiăn kơ hơdră gong gai 2 gưl. Khua dêh čar pơtŏng sit bruă ngă tui hơdră anai amra djru pơplih tơlơi pơmin, hơdai mơ̆ng dô̆ tơnguan nao gơgrong hlâo bruă bơwih brơi kơ mơnuih ƀôn sang, pok prong anih anom pơđĭ kyar, pơjing anô̆ yôm hăng pran pơtrut phrâo. Khua dêh čar čang rơmang mơnuih ƀôn sang, biă ñu ƀing kơsem min bôh thâo phrâo djru pơhiăp dong, djru brơi bôh thâo kơ lŏn ia. Ngă tui dong tơlơi dưi mơ̆ng mơnuih ƀôn sang, yua kơ mơnuih ƀôn sang, abih pran jua kơ mơnuih ƀôn sang, yua anun mơnuih ƀôn sang ăt khom gum hơgôp mơn amăng bruă pơjing hơdră bruă, pioh hơdră bruă mut amăng tơlơi hơdip mơda, ba glăi tơlơi hơdip trơi pơđao, yâo mơ-ak./.