
Amăng mông bưp, mơnuih ƀôn sang čang rơmang anih anom gong gai dua gưl tañ hơđong, ngă bruă tŭ yua lăp djơ̆ tơlơi rơkâo pơđĭ kyar bơwih ƀong huă-mơnuih mơnam amăng ƀon lan. Sit biă ñu, mơnuih ƀôn sang đing nao biă kơ bruă ngă hră pơ-ar lŏn mơnai-sa bruă dŏ glêh tơnap amăng sui thun aka ƀu dưi pơsir hĭ.

Ơi Phan Đình Trạc lăng yôm hơdôm tơlơi gum pơgôp, tơlơi rơkâo mơng mơnuih ƀôn sang, laih dong pơsit tong amra tum pơƀut, mơ-it nao hơdôm anom bruă bơdjơ̆ nao pơsir hĭ. Ñu lăi pơtong: gong gai să kiăng črâo ba tong ten mơnuih ƀôn sang kơ bruă ngă hră pơ-ar; hơdôm bruă bơdjơ̆ nao kiăng pơsỉr hĭ ƀơi ƀon lan mơtăm, anăm brơi mơnuih ƀôn sang ba đĭ tơring čar. Djop tơlơi gun kiăng hơmâo mơnuih apăn bruă să lăi pơthâo, gum hrŏm pơsir hĭ.
Viết bình luận