Lơ 30/7 ƀơi Ƀirô Ping gah, Khua git gai Ping gah ơi Tô Lâm git gai mông mă bruă hăng hơdôm grup čih pơkra hră pơtrun pơsit, ƀing apăn bruă amăng grup prap lui jơnum Ping gah tal 14 hăng Khul git gai klah čun 40 thun pơplih phrâo, kiăng pơgiong hơdôm hră pơ-ar mơ-it mă tơlơi pơgôp hiăp Jơnum Ping gah djop gưl. Khua git gai Ping gah pơtăn, kiăng hră pơsit pơhlôm klă hloh, amra ba jơlan hlâo amăng djop anih anom kơđi čar, hơdôm grup prap lui kiăng tŏ tui pel ĕp, pơhrua, tui sit nik kiăng pơgiong. Gơgrong, anăm dŏ tơguăn tơlơi pơgôp mơng djop gưl đôč ôh mơ̆ kiăng ngă tui na nao truh hrơi hră pơsit Jơnum Ping gah tal 14 dưi tŭ yap.

Laih dong pral lui tong ten djop ngăn rơnoh, tơhnal gal, prăk kak kiăng bơkơnar, lăp djơ̆ hăng pơsit bruă hơget kiăng ngă hlâo, bruă hơget ngă tơdơi. Hăng kiăng đing nao tơlơi hơđong, tŭ yua, kjăp phik, amăng pơmĭn tui rơwang ngă bruă. Khua git gai Ping gah dêh čar ơi Tô Lâm lăi pơtong, hơdôm grup đing nao bruă kiăng pơgiong bruă jao kiăng pơhlôm brơi klă hloh brơi gong gai dua gưl amăng hơdôm boh ƀon lan hăng hơdôm anom bruă tŏ tui bruă mă hruaih, tŭ yua.