Mơguah lơ 30/7, hơmâo jơnum ruah khua ping gah phường Xuân Hương-Đà Lạt tal I, rơwang bruă thun 2025-2030; hăng anăp ngă man pơdong phường Xuân Hương-Đà Lạt jing sa boh plơi prong čơkă tuai, bơwih bơwăng klă hiam pơdơi pơdă, anih thâo rơgơi, phrâo hiam; Hơmâo anŏ gêh găl phara ayuh hyiăng lŏn mơnai glai klô, gru grua hiam mơ̆ng đưm hăng anih anom man pơdong hiam gưl dêh čar, amăng kual hăng jar kmar.

Pơhiăp ƀơi mông jơnum, Y Thanh Hà Niê Kdăm, Khua git gai ping gah tơring čar Lâm Đồng pơtrun hiăp kơ phường Xuân Hương-Đà Lạt kiăng pơtong glăi tong ten anŏ gêh găl, kông ngăn hơmâo baih hlâo, pơtong rơđah anŏ hiam rô̆, anih prong, tơlơi gơgrong ba jing anih phun kơđi čar-gru grua kơ tơring čar Lâm Đồng. Kiăng dưi ngă tŭ yua tơhnal pơkă anai, bruă dăp lui hlâo pơ anăp, tui hăng Y Thanh Hà Niê Kdăm rơkâo, kiăng kơtưn hloh bruă akŏ pơdong ping gah hăng glông bruă kơđi čar tơpă, rơgoh, kợăp kơtang, Ping gah phường Xuân Hương-Đà Lạt kiăng pơđĭ kơtang tơlơi git gai, tơlơi thâo mă bruă, pran jua blah ngă mơ̆ng khul anom bruă ping gah pơyŭ, lir hơbit hăng bruă akŏ pơjing mơnuih mă bruă, khua mua, mơnuih ping gah dưi ngă djơ̆ bruă jao amăng rơnuk phrâo.