Hrŏm hăng anun đing nao prong bruă prăp lui Jơnum Ping gah tơring čar tal 18, rơwang bruă 2025-2030. Anai lĕ bôh yôm lăp đing nao dưi lăi nao amăng mông Jơnum lok 3, Grŭp apăn bruă Ping gah tơring čar tal 17, pơphun amăng čơtlăm lơ 30/7.

Gah pơđĭ kyar bơwih ƀong – mơnuih mơnam, amăng blan 7, lu tơhnal ngă tui djơ̆ rơnoh pơđĭ kyar. Bruă đang hmua hơđong, rông hlô pơhlôm klin ruă; abih bang sĭ hyu raih daih gơnam tam him lăng hmâo rơbêh kơ 9.600 klai prăk, đĭ rơnang bơhmu hăng blan hlâo. Bruă sĭ mơdrô, blơi sĭ gơnam hơkrŭ glăi tañ hăng giăm truh 710.000 wot čô tuai čuă ngui, đĭ 41%. Abih bang pơhrui ngăn drăp kơnuk kơna him lăng hmâo rơbêh kơ 9.000 klai prăk, dưm dưm hăng 67% pơkă hlâo amăng sa thun. Khua git gai Ping gah tơring čar Dak Lak ơi Nguyễn Đình Trung rơkâo rim khua mua amăng Grŭp git gai Ping gah tơring čar pel ĕp glăi dong hơdôm tơhnal ba tơbiă, pơtlaih anô̆ gun amăng bruă bơwih ƀong huă sĭ mơdrô, pơsir prăk tuh pơplai bruă hrŏm, pơplih bruă čar hăng ngă tui hơdră bruă kơ mơnuih ƀôn sang kual neh wa djuai ania ƀiă./.