Pơphun mơ̆ng thun 2006, ƀơi kông ty 74 hăng 30 boh krôp sang anŏ, truh ră anai hơbô̆ bruă anai pok pơhư tui amăng Binh đoàn 15 hăng giăm 4.300 krôp sang anŏ ƀơi hơdôm rơtuh boh plơi pla treng guai dêh čar či gah kơdư Lŏn Dap Kơdư. 20 thun pok pơhai, hơbô̆ bruă anai hơmâo tơlơi pơtrun mơ̆ng Ping gah, ngă bang bơngač truh pơ lu sang anŏ mơnuih ƀôn sang, kơnang kơ bruă ngă hiam klă kah hăng “Trơi pơđao ƀudah ư̆ rơpă pơdjru nao rai”, “Jơnap hyuk hyak ƀudah kơƀah tơnap ăt pơdjru nao rai mơ̆n”, akŏ pơjing pran kơtang amăng lăm djru pơtrut ngă pơkơdŭn hĭ tơlơi pơmin sat kah ania pơpha djuai khul gum pơgôp djuai ania dêh čar.

Mơ̆ng anun, ngă kơjăp hloh tơdron blah amăng pran jua ană plơi pla ƀơi guai dêh čar. Hăng hơbô̆ bruă anai, lu sang anŏ mă bruă dưi pơhru glăi sa thun mơ̆ng 200-300 klăk prăk, pơhrŏ hĭ anŏ pleh ploh pơdrong hăng ƀun, lŏm lui tơlơi ƀun rin ư̆ rơpa, tơlơi phiăn ƀu găl hơđăp đưm, pơhrŏ ƀuh rơđah tơlơi pơdơi hrăm hră hăng đuăi nao pơ dêh čar tač rơngiao ča čot mơ̆ng anai pơ klôn. Ƀơi mông jơnum, ƀing pơ ala nao pơhmư̆ djru pơgôp hiăp, hrăm tơdruă tơlơi thâo thăi kơ bruă krăo lăng tong ten mơ̆ng djop gưl sang bruă kơnuk kơna, ngă hrŏm tong ten gong gai kơnuk kơna djop gưl, pơđĭ tui kơnuih ƀing tha plơi, khua ƀôn, mơnuih thâo kơđi arăng đăo kơnang, pơčeh phrâo hơdră ngă tui hơbô̆ “Lir hơbit sang anŏ” djru hrŏm akŏ pơdong anih anom kual plơi pla ƀơi guai dêh čar kiăng hơđong, rơnuk rơnua, pơđĭ kyar hlom bom.