Hmư̆ tui tơlơi jak iâo mơ̆ng Khua dêh čar ơi Phạm Minh Chính, Khua dêh čar Españôl Pedro Sánchez hmâo tal rai čuă sit nik dêh čar Việt Nam mơ̆ng lơ 8/4 truh lơ 10/4.

Anai lĕ tal blung a Khua dêh čar Españôl rai čuă Việt Nam yap mơ̆ng hrơi dua bôh dêh čar akô̆ pơjing bruă pơtom hiăp amăng thun 1977 hăng ăt lĕ tal rai čuă sit nik Việt Nam mơ̆ng Khua git gai dlông hloh kơnuk kơna Españôl yap mơ̆ng tal čuă mơ̆ng Ơi pơtao Juan Carlos hăng bơnai ñu Sofia amăng thun 2006.

Españôl lĕ dêh čar ding kơna blung a mơ̆ng Khul pơlir hơbit kual Mi Kô̆ kĭ pơkôl bruă Gum hrŏm khom ngă hăng Việt Nam amăng thun 2009. Dêh čar anai ăt lĕ sa amăng hơdôm bôh dêh čar blung a pơsit Tơlơi pơkôl pơgang ba tuh pơplai EU - Việt Nam. Tal rai čuă jing brơi ƀuh bôh tơhnal gum hrŏm klă hiam kơplah wah 2 bôh dêh čar amăng hơdôm hrơi rơgao, mơ̆ng bruă kơđi čar truh bruă bơwih ƀong, sĭ mơdrô tuh pơplai, bôh thâo đưm, pơgang lŏn ia, rơnuk rơnua plơi pla, pơtô pơhrăm hăng jơlan nao rai dŭ pơgiăng...