Tơring čar pơtrut kơtang pel ĕp pơhlôm gơnam ƀong huă hơdôm anih tơnă hơbai lu mơnuih ƀơi sang hră, kual sang măi, kual tuai čuă ngui, hơdôm anih anom pơkra gơnam ƀong, pơkra gơnam ƀong huă sĭ mơdrô, gơnam ƀong kơtuai jơlan...

Biă ñu, kiăng đing nao hơdôm djuai gơnam ƀong huă tôm hmâo khul apăn bruă anai thâo tơlơi ngă soh amăng hơdôm hrơi rơgao. Jơnum min mơnuih ƀôn sang tơring čar Dak Lak ăt rơkâo mơ̆n hơdôm khul apăn bruă pơtrut kơtang bruă pel ĕp anih anom sĭ mơdrô, biă ñu lĕ hơdôm gơnam ƀong huă pơgang tơlơi suaih pral, ia tơsâo hăng ia jrao pơjrao tơlơi ruă hmâo lăi pơthâo sĭ hyu tui jơlan măi mok. Djop bruă mă ngă soh amra pơsir tơpă hăng pơdah rơđah amăng hơdôm mơta măi mok pôr pơhing pioh lăi pơtă kơ djop mơnuih./.