Ƀing khua lăi, bruă pơkra boh thâo măi mok Việt Nam glăk mut amăng rơwang thun pơplih kơtang biă mă, amăng hrơi mông mut hrŏm jar kmar dlăm, pơplih phrâo mơtah - pơplih pơhrâo mrô hăng tơlơi kiăng jai hrơi prong hloh mơ̆ng anŏ yôm mơ̆ng hơdôm črăn bruă ƀơi rŏng lŏn tơnah.

Amăng hơdră đĭ kyar boh thâo măi mok truh thun 2030, anăp nao truh thun 2045, tơlơi rơgơi pơkra mă pô hăng mut hrŏm bruă pơkra gơnam ba sĭ mơ̆ng rŏng lŏn tơnah hơmâo pơsit jing bruă dưi dŏ dong, hơdip mơda kiăng Việt nam ƀu kơnong jing anih gum pơkra đôč ôh mơ̆, ăt jing anih pơkra phun mơtăm măi mok boh thâo yơyôm mơ̆ng kual. Tơlơi pơtrun mrô 57 kơ pơplih boh thâo phrâo, pơčeh phrâo hăng mă yua boh thâo mrô dêh čar hăng Tơlơi pơtrun mrô 68 kơ đĭ kyar bơwih ƀong mơnuih ƀôn sang ngă pô amra pơjing rai lu tơlơi yôm kơ bruă pơkra măi mok boh thâo hăng pơplih boh thâo mrô truh thun 2030. Mơ̆ng anun pơtrut đĭ kyar boh thâo măi mok Việt Nam gơgrong mă pô, pơdrong sah, kơtang amăng hrơi blan pơ anăp./.