Tui anun, him lăng tơdơi pơmut hăng Bình Định, tơring čar kiăng giăm 1.000 boh sang brơi ƀing apăn bruă, ƀu hơmâo wŏt khul Ping gah hăng Jơnum min pơ ala mơnuih ƀôn sang. Ră anai, Gia Lai kơnong hơmâo sa boh sang dŏ brơi ƀing apăn bruă ƀơi plơi prong Pleiku, man pơdong mơng thun 2005 hăng 12 anih dŏ, amăng anun 6 anih dŏ aka ƀu hơmâo mơnuih dŏ. Tui tơlơi kiăng ră anai hơmâo: 3 boh sang pơprong, 509 boh sang man pơdong rôk ha anih hăng giăm 500 anih dŏ hrŏm.

Gơnong bruă man pơdong rơkâo pơplih pơkra tơlơi phiăn kiăng pok phư brơi ƀing mơnuih dưi yua apah sang dŏ brơi ƀing apăn bruă, hơmâo ƀing apăn bruă ƀu djơ̆ ƀing pơplih anih mă bruă samơ̆ khŏm pơplih anih dŏ. Tui akŏ bruă pơmut, giăm 2.000 čô mơnuih apăn bruă amra nao mă bruă pơ anih mă bruă phrâo ƀơi Quy Nhơn. Yua anun, pơgiong hơdră djru sang dŏ brơi ƀing apăn bruă lĕ tơlơi rơkâo ječ. Tui akŏ bruă pơmut, tơring čar Gia Lai amra hơmâo giăm 2.000 čô mơnuih apăn bruă, mơnuih mă bruă nao mă bruă pơ anih phrâo ƀơi plơi prong Quy Nhơn, Bình Định kiăng kơ mă bruă.