Khua git gai Ping gah dêh čar lăng yôm hơdôm boh than ba glăi djop mơta mơng Khul pơphun gơnong glông amăng pơphô bruă amăng pơphun pơjing Ping gah; lăng yôm pran jua mă bruă tơpă, khut khăt lăng glăi pô hăng lăi nao tong ten 5 grup bruă aka ƀu klă hrŏm hăng 4 tơlơi ba truh phun. Khua git gai Ping gah rơkâo Khul pơphun gơnong glông tŏ tui gơgrong ba tơbiă hơdôm hơdră bruă tong ten, khut khăt ƀiă dong.

Lăi pơtong ră anai lĕ rơwang ngă bruă rơnuč prap lui jơnum tal XIV, Khua git gai Ping gah rơkâo Khul pơphun gơnong glông ngă tui pran gơgrong pơphô bruă phun, đing nao pơgiong hơdră bruă, pơplih bruă mă mơng ƀing apăn bruă, hrưn đĭ akŏ pơjing jơlan gah; pơphun dưm dăp anih anom kơđi čar tui hơbô̆ bruă phrâo, ngă bruă tŭ yua, prap lui klă črăn hră pơ-ar hăng bruă ruah mơnuih apăn bruă gưl Ping gah amăng rơwang pơ anăp.