Amăng mông bơkơtuai, Khua dêh čar ơi Phạm Minh Chính pơtŏng sit tal rai čuă Việt Nam jê̆ hăng anai mơ̆ng Khua git gai Ping gah dêh čar, Khua mir sir dêh čar Khač ơi Tập Cận Bình jing gru pơđom pioh gru grua đưm, pơsit jơlan gah bruă sui thun kơ tơlơi rô nao rai dua Ping gah, dua bôh dêh čar.

Khua dêh čar rơkâo dua bơnah djă pioh bruă pơplih nao rai bơkơtuai gưl dlông; pơtrut kơtang gum hrŏm bơwih ƀong, sĭ mơdrô, tuh pơplai tui jơlan gah dưm kơnar, hrŏm hăng anun pok prong gum hrŏm bruă kơsem min bôh thâo phrâo, pơplih phrâo pơčeh phrâo, pơjing pran pơtrut phrâo kơ tơlơi rô nao rai dua bơnah. Khua dêh čar ơi Lý Cường tŭ ư hăng hơdôm tơlơi ba tơbiă hăng pơtŏng sit dêh čar Khač amra gum hrŏm kơjăp hăng Việt Nam pioh pơplih phrâo tơlơi pơmin hrŏm kơplah wah khua git gai dua bôh dêh čar; kơtưn lăi pơthâo nao rai, hơkrŭ đĭ pran đăo kơnang kơđi čar hăng pơtrut gum hrŏm sit nik, biă ñu amăng hơdôm bruă kah hăng sĭ mơdrô, tuh pơplai anô̆ klă kơjăp hăng tô nao rai anom mă yua./.