Hơdôm tơlơi lăi pơthâo lu mơta, hmâo tơlơi găn rơgao kơ mă yua anăn măi mok mrô amăng bruă pôr pơhing, hrŏm hăng anun pơdah rơđah tơhnal gal hăng tơlơi lông mơ̆ng mơnuih čih tơlơi pơhing amăng jơlan gah pơplih mrô tañ; bơkơtuai hơdră pioh čih pơhing lăp djơ̆ hăng ngă tui hơdră mă yua măi mok jai hrơi jai pơđĭ kyar, tơlơi lông bơkơtưn jai hrơi jai prong tui.

Tui hăng pô čih tơlơi pơhing phrâo Nguyễn Văn Phú, Khua Khul čih tơlơi pơhing tơring čar Dak Lak, hơdôm thun jê̆ hăng anai, bruă pôr pơhing ƀơi Dak Lak hmâo laih hơdôm yak nao kơtang kơnang kơ măi mok mrô. Hơdôm tơlơi čih pôr pơhing hmâo pôr hyu amăng lu mơta măi mok, lu tơlơi čih pôr pơhing ƀơi anăp (live tream) ngă pơhưč mrô mơnuih lăng lu. Ơi Phú pơtŏng sit, rơnuk mrô ƀu kơnong kơ tơlơi lông ôh mơ̆, ñu dô̆ jing tơhnal gal prong pioh hră pơhing pơđĭ dlông anô̆ kơjăp, pok prong mơnuih hmư̆ lăng hăng juăt hăng tơlơi pơhing tañ, djơ̆ sit hloh./.