Khua dêh čar lăi rơđah, ia rơsĭ ƀu kơnong kơ kông ngăn yôm ôh mơ̆, ñu dô̆ jing phun pok jơlan hơdip, tô nao rai ană mơnuih hăng ia rơsĭ. Hăng Việt Nam, rơbêh kơ 3.000km hang ia rơsĭ jing gru bôh thâo đưm, pran jua djuai ania. Pơđĭ kyar bơwih ƀong gah ia rơsĭ tŭ yua, kơjăp phik jing tơlơi kiăng biă hăng jing tơlơi ruah mă bruă khom ngă pioh Việt Nam jing dêh čar ia rơsĭ kơtang, djơ̆ tui tơhnal ba tơbiă dêh čar đĭ kyar, pơhrui hmâo lu prăk amăng thun 2045.

Khua dêh čar iâo pơthưr kơtưn tuh pơplai kơsem min bôh thâo gah ia rơsĭ, pơtô glăi bruă mă yua măi mok, lăi pơthâo anăn mă yua hăng tơlơi găn rơgao, iâo pơhrui ba glăi bôh tơhnal hơdôm ngăn rơnoh pioh pơđĭ kyar bơwih ƀong gah ia rơsĭ kơjăp phik, dưm kơnar, abih bang hăng pơkĕ hrŏm kơjăp hăng pơgang rơhuông adai lŏn mơnai ia rơsĭ./.