Hăng jơlan gah “Gum pơgôp-Ngă pô-Kjăp bruă-Gơgrong-Tŭ yua”, Jơnum pơsit tong hrưn đĭ bruă git gai, pơtrut pơplih yua boh phrâo, ngă klă bruă čih pơkra tơlơi phiăn, krăo lăng hăng tơlơi gum pơgôp mơnuih ƀôn sang. Đĭ pơhiăp amăng mông jơnum, Kơ-iăng Khua Khua pơ ala mơnuih ƀôn sang dêh čar lăng yôm hră lăi pơthâo kơđi čar, brơi thâo Ping gah hơmâo sem lăng djơ̆ hơdôm boh tơhnal, anŏ aka ƀu klă hăng ba tơbiă jơlan gah lăp djơ̆.

Kơ-iăng Khua pơ ala mơnuih ƀôn sang dêh čar, Ding jum kơđi čar, sit biă ñu hơdôm boh tơhnal dưm dăp anih anom, pơplih hơdră, čih pơkra tơlơi phiăn, pơplih phrâo hơbô̆ bruă pơđĭ kyar. Lăi pơtong tơlơi gơgrong mơng anom bơwih ƀong mơnuih ƀôn sang ngă pô, yua boh thâo măi mok hăng pơplih yua boh thâo phrâo lĕ tơlơi pơtrut akŏ phun, pơgôp ba lŏn ia yak nao rơnuk pơđĭ kyar phrâo, dơlăm hăng hơđong kjăp.