Amăng mông tơhmit, ol kơdol pran jua, Khua dêh čar hăng ƀing ding kơna amăng grŭp hmâo pioh laih sa mơnit hơ-ŭ kơ pran jua hăng tơlơi tuh rơyuh ha rơnuk mơ̆ng ơi Khamtay Siphandone kơ bruă hơkrŭ dêh čar Lao, ăt kah hăng tơlơi rô nao rai giăng mah phara Việt Nam – Lao.

Čih amăng hră nao mơyut jôk, Khua dêh čar ơi Phạm Minh Chính pơdah pran jua rơngôt dơlăm ƀơi anăp tơlơi rơngiă mơ̆ng sa čô mơnuih ngă Hơkrŭ kơjăp, gơyut prong hăng ƀing gŏp ha pran jua mơ̆ng mơnuih ƀôn sang Việt Nam. Khua dêh čar pơsit yôm hơdôm tơlơi gum hơgôp prong prin mơ̆ng ơi Khamtay Siphandone amăng bruă pơdŏng hăng bư̆ bôr pran jua giăng mah prong prin, gum hrŏm hơbit phara ha jăn, gum hrŏm abih bang kơplah wah dua bôh dêh čar Việt Nam – Lao. Khua dêh čar brơi thâo, kiăng hơdor kơ ơi Khamtay Siphandone, Ping gah, Kơnuk kơna Việt Nam hmâo pơsit pơphun pioh atâo gah dêh čar amăng 2 hrơi lơ 4 – 5/4. Ñu ăt mơ-ĭt mơn tơlơi rơngôt dơlăm truh Ping gah, Kơnuk kơna, mơnuih ƀôn sang Lao hăng sang anô̆ ñu./.