Đĭ pơhiăp amăng mông mă bruă, Kơ-iăng Khua git gai pơ ala mơnuih ƀôn sang dêh čar ơi Nguyễn Đức Hải rơkâo tơring čar Lâm Đồng kiăng kiăo tui hơdôm boh tơhnal git gai mơng gơnong glông, pơhlôm sui pơ anăp, abih bang, djop mơta, mut hrŏm, ha amăng plĕ hăng sit nik lăp djơ̆ hăng tơlơi gal amăng ƀon lan. Anăm pơmut hrŏm tơlơi pơtrun ba truh ngă bơkơnar, ƀu sit nik.

Laih dong, kiăng gơgrong, sit biă ñu lĕ gơgrong mơng ƀing apăn akŏ, git gai pok pơhai, pel ĕp bruă ngă tui bruă jao, pơhlôm tong ten, rơđah rơđông, tŭ yua hăng dưi ngă. Anăm hưp ƀong, ngă rơngiă prăk kak, yua khưi khai. Hăng anom bruă kơsem min put ayuh, Kơ-iăng Khua git gai pơ ala mơnuih ƀôn sang dêh čar ơi Nguyễn Đức Hải rơkâo pel ĕp akŏ bruă, jơlan gah pơđĭ kyar mơng anom bruă amăng kơsem min put ayuh kiăng pok pơhai bruă kơsem min, mă yua djru pơđĭ kyar lŏn ia amăng rơnuk phrâo.