Pơhiăp ƀơi mông jơnum, ơi Trần Thanh Mãn brơi thâo, jơnum tal anai hơmâo lu tơlơi yơyôm, bơdjơ̆ nao bruă bơwih ƀong huă - mơnuih mơnam, ling tơhan, rơnuk rơnua hăng akŏ pơdong anom bruă kơđi čar. Biă ñu mông jơnum pơgôp hiăp kơ bruă čih pơkra glăi hơdôm tơlơi mơ̆ng Phiah phiăn thun 2013 bơdjơ̆ nao bruă dăp glăi aset anom bruă kơnuk kơna tui hăng Tơlơi pơtrun mrô 18.

Pơhiăp pơtum glăi mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn tŭ ư laih hăng tơlơi lăi pơthâo mơ̆ng Khua čih pioh hră jơnum mơ̆ng Ƀirô pơ ala mơnuih ƀôn sang dêh čar. Ơi Trần Thanh Mẫn kiăng Gong gai dêh čar hăng hơdôm anom bruă ngă hrŏm kjăp hloh, gir kơtir hloh đah mơ̆ng ngă giong hră pơ-ar hơdôm tal Jơnum, biă ñu lĕ hơdôm tơlơi pơdah pơ Khua mua pơ ala mơnuih ƀôn sang sem lăng tui hăng tơlơi pơkă sa tal jơnum; pơdah pơ Jơnum min apăn bruă phun pơ ala mơnuih ƀôn sang amăng blan 4/2025, plai ƀiă pơhrư̆i truh kơ mông jơnum blan 5.