Đĭ pơhiăp amăng mông pơpŭ bơni, ơi Đặng Đức Hiệp, Khua git gai Ping gah plơi prong Đà Lạt pơsit tong, amăng rơnuk blah wang kơdong glăi ayăt Mi, Đà Lạt-Tuyên Đức hơmâo gir run tuh rơyuh pran jua, pơgôp prong amăng bruă ngă hơkrŭ pơklaih rơngai kual Dơnung, pơlir lŏn ia ta jing sa. Pơ anăp anai, Ping gah, gong gai hăng mơnuih ƀôn sang plơi prong tŏ tui pran gum pơgôp, gir run pơjing Đà Lạt jing plơi prong rơgơi, plơi prong gru grua amăng rŏng lŏn tơnah, mă yua klă djop ngăn rơnoh, ba Đà Lạt pơđĭ kyar hơđong kjăp.  

Ƀrô tal anai, Jơnum min mơnuih ƀôn sang tơring čar Lâm Đồng ăt ƀơk grač pioh hơdor “Yua kơ bruă pơjing hăng pơđĭ kyar tơring čar Lâm Đồng” brơi 50 čô mơnuih apăn bruă, khua mua tơring čar, plơi prong amăng djop rơnuk, mơnuih ƀon sang hăng anom bơwih ƀong sĭ mơdrô  amăng plơi pla hơmâo pơgôp prong amăng pơđĭ kyar plơi prong.