Ƀrô tal jơnum anai, ƀing ding kơna Khul git gai pơgôp hiăp amăng hơdôm hơdră bruă phun kiăng pơđĭ kyar bơwih ƀong hajăn. Amăng anun, rơkâo đing nao pơplih pơkra, hrưn đĭ klă hơdră bruă, pơhlôm tơlơi gal bơwih ƀong huă, bơkơtưn bơkơnar amăng pơhrui ngăn rơboh,  tơlơi dưi amăng bơwih ƀong hajăn. Đĭ pơhiăp amăng mông jơnum, Khua dêh čar ơi Phạm Minh Chính lăi pơtong: Bruă amăng lŏn ia ră anai kiăng hơmâo lu hơdră pơplih phrâo, pơtrut pơđĭ kyar bơwih ƀong huă amăng lŏn ia.

Amăng anun, bruă bơwih ƀong hajăn lĕ anih anom phun kiăng ba glăi ngăn rơnoh, pơgôp yôm amăng pơđĭ kyar bơwih ƀong huă, hơmâo lu dong bruă mă, hrưn đĭ klă amăng bruă mă, pơtrut pơplih pơčeh phrâo hăng kơtang tui pran bơkơtưn amăng dêh čar. Kiăng pơtrut kơtang, pơđĭ kyar Khua dêh čar ơi Phạm Minh Chính rơkâo pơplih tơlơi pơmĭn, mut hrŏm amăng tơlơi pơmĭn, pơtrut pran đăo gơnang, pơtrut phrâo, hrưn đĭ phrâo kiăng pơđĭ kyar bơwih ƀong hajăn.