Ƀơi mông bưp, Khua git gai Ping gah  ơi Tô Lâm pơsit Việt Nam lăng dêh čar Mi jing gŏp ngă hrŏm yôm laih anun čang rơmang ngă hrŏm kjăp hăng Mi kiăng tơlơi rô nao rai dua bơnah jai hrơi klă hiam, sit nik hloh, dlăm hloh, tŭ yua amăng hơdôm tơlơi hơmâo amăng Hră ba tơbiă hrŏm wơ̆t hăng Jơlan hơdră ngă bruă pok pơhai tơlơi rô nao rai Ngă gŏp yôm amăng abih bang bruă yua kơ tơlơi gêh gal, klă kơ dua boh dêh čar hăng yua kơ tơlơi rơnuk rơnua, ngă hrŏm hăng đĭ kyar kjăp amăng kual wơ̆t hăng ƀơi rŏng lŏn tơnah.

Khua anih jưh pơ ala dêh čar Mi pơsit, Việt Nam “kơtang, rơngai, pơdrong sah, gơgrong mă pô” jing sa tơlơi gum pơgôp prong kơ tơlơi rơngai, hơđong amăng kual wơ̆t hăng ƀơi jar kmar laih anun jing tơlơi mơ̆ dêh čar Mi lêng kơ dong yua. Khua anih jưh pơ ala dêh čar Mi pơsit hơdôm anom bơwih ƀong hăng gŏp ngă hrŏm mơ̆ng Mi lăng yôm biă tơlơi ngă hrŏm bơwih ƀong tuh pơ alin, sĭ mơdrô hăng Việt Nam, amăng anun Việt Nam hơmâo lăng jing sa amăng hơdôm boh dêh čar yôm biă amăng bruă pơkra gơnam laih anun anih sĭ mơdrô Việt Nam glăk pok lu tơlơi gêh gal kơ gơnam tam hăng bruă bơwih bơwang mơ̆ng dêh čar Mi.