Bruă bơkơtuai ngă pơhưč rơbêh kơ 200 čô čơđai rơgơi pơ ala brơi rơbêh kơ 467 rơbâo čô čơđai muai mơ̆ng 17 bôh tơring glông, plơi prong amăng tơring čar. Amăng jơlan hơdră bơkơtuai, lu čơđai sang hră pơdah tơlơi gum pơhiăp kơ hơdôm tơlơi taih amang ƀơi sang hră, pơhlôm ƀơi plăng internet hăng gru nam mơ̆ng bruă pơkra mlăi pơtuh. Ƀing čơđai bơngot ƀơi anăp tơlơi arăng plư pleč, ngă sat amăng plăng mơnuih mơnam ăt kah hăng hơdôm anô̆ bơdjơ̆ nao sat mơ̆ng bruă mă yua mlăi pơtuh.

Rơngiao kơ anun, hơdôm tơlơi tơnap amăng hrăm hră, kơƀah anih ngui ngor bơkơjăp drơi jăn hăng tơlơi kiăng lăi pơthâo brơi pran jua amăng sang hră ăt lĕ hơdôm bôh yôm dưi hmâo čơđai sang hră đing nao. Hơdôm tơlơi čơđai sang hră Gia Lai lăi amăng mông bơkơtuai, hmâo hơdôm bôh anom bruă, gơnong bruă ƀơi tơring čar hmư̆ hăng hmâo tơlơi lăi glăi rơđah. Ơi Rah Lan Chung – Khua Jơnum min mơnuih ƀôn sang tơring čar Gia Lai pơtŏng sit, amra pơjing hơdôm tơlơi lăp djơ̆, tơlơi kiăng hơdôm gưl, gơnong bruă, hmâo jơlan rơđah tui tơlơi čang rơmang mơ̆ng čơđai sang hră./.