Dua čô khua hok mơ-ak kơ tơlơi yak nao pơđĭ kyar kơtang hloh amăng tơlơi rô nao rai dua bơnah. Singapore tŏ tui lĕ dêh čar tuh pơ alin prong tal 2 amăng rŏng lŏn tơnah ƀơi Việt Nam; hơmâo dong 2 kual tuh tia pơkra ming Việt Nam-Singapore hơmâo pơsit pok tuh pơ alin, ba glăi 20 kual VSIP ƀơi 14 boh tơring čar, ƀôn prong Việt Nam, rơnoh sĭ mơdrô đĭ hơđong, dưm dưm 10,3 klai đôlar Mi thun 2024. Việt Nam jing dêh čar sĭ mơdrô braih lu hloh pơ Singapore.

Dua čô khua tŭ ư kơ hơdôm hơdră bruă “khut khăt, hmao tlôn” kiăng ba glăi tơlơi đăo gơnang kơđi čar, pơtrut phrâo tơlơi rô nao rai ngă hrŏm yôm phăn djop mơta; blung hlâo lĕ tañ pơgiong hăng ngă tui tŭ yua jơlan hơdră bruă mă pok pơhai tơlơi rô nao rai phrâo rơwang thun 2025-2030. Dua bơnah tŭ ư kiăng kơtưn pơbưp nao rai, sit biă ñu gưl khua mua pơprong hăng djop gưl; pok pơhai tŭ yua hơdôm hơdră bruă ngă hrŏm dua bơnah, sit biă ñu lĕ bruă jơnum tui tơđar kơplah wah Khua dêh čar dua bơnah.