VOV4.Jarai-Amăng hră čih pioh tơlơi pơtă pơtăn mơ̆ng Khua mir sir Hồ Chí Minh pôr pơthâo thun 1969, Wa “pioh glăi abih tơlơi khăp kơ mơnuih ƀôn sang, ping gah, abih bang ling tơhan, kơ ană tơcô mô yâo tơdăm ngek dra muai čơđai anet”. Wa pơtă pơtăn “Mơnuih ƀôn sang ta khin hơtai biă mă, triăng, hur har, greh gruñ”. “Ping gah khom hơmâo akŏ bruă djơ̆ lăp pioh pơđĭ kyar bơwih ƀong huă laih anun pơđĭ gru grua hiam, kiăng ƀu pơdơi ôh pơđĭ na nao tơlơi hơdip mơda kơ mơnuih ƀôn sang”. Djă pioh hơdor glăi tong ten tơlơi pơtô anun mơ̆ng Khua mir sir Hồ Chí Minh, hrŏm hăng abih bang mơnuih ƀôn sang amăng dêh čar, ană plơi pla ƀơi kual Dap Kơdư ăt ƀu pơdơi ôh gum pơgôp, hur har mă bruă, man pơdong plơi pla jai hrơi pơdrong sah, hiam rô̆ tui, tơlơi hơdip mơda trơi pơđao yâo mơak.

VOV4.Jarai - Khua mir sir Hồ Chí Minh akă hmâo sa wot rai pơ̆ Dap Kơdư, samơ̆ amăng tơlơi pơmin, pran jua mơ̆ng Ñu, kual Dơnung lăi hrŏm, Dap Kơdư lăi ha jăn ăt dô̆ djă pioh mơ̆n amăng hơtai bôh. Tui hăng tơlơi čang rơmang mơ̆ng mơnuih ƀôn sang djop djuai ania Dap Kơdư, Ding jum kơđi čar, Grŭp git gai Ping gah dêh čar hmâo tŭ ư pơdŏng Rup kut klao Wa Hồ hăng djop djuai ania Dap Kơdư ƀơi tơdrŏn lak Đại Đoàn Kết, plơi prong Plei Ku, tơring čar Gia Lai. Anai lĕ ring bruă bôh thâo hmâo bôh tŭ yua prong, pơdah pran jua mơ̆ng Wa hăng neh wa djop djuai ania Dap Kơdư hăng mơ̆ng neh wa djop djuai ania Dap Kơdư pioh kơ Wa.

VOV4.Jarai-Thun 2020, plơi prong Gia Nghĩa lĕ anom bruă bơkơnar hăng tơring glông blung a ƀơi tơring čar Dak Nông ngă tui djop tơhnal pơkă mơ̆ng dêh čar kơ man pơdong plơi pla phrâo hăng 2/2 boh să ngă djơ̆ hnơ̆ng pơkă plơi pla phrâo. Yak nao amăng črăn phrâo, Gia Nghĩa pơkă tơhnal pơtrun gir run hloh hăng bruă man pơdong plơi pla phrâo hăng tơlơi bơwih ƀong huă, djă pioh gru grua hiam đưm bă hăng tơlơi khăp ƀu-eng. Djop bruă mă jak iâu, lu hơdră či mă bruă pok pơhai hur har hăng anŏ kiăng “mơnuih ƀôn sang khom thâo, djru pơčrong hrŏm, mă bruă, ăt mơnuih ƀôn sang pô mơ̆n ĕp glăi” hơmâo ba glăi boh tơhnal tŭ yua sit nik.

VOV4.Jarai-Ră anai tơring čar Kon Tum hơmâo mrô mơnuih apăn bruă djuai ania ƀiă glăk ngă khua mua git gai wai lăng amăng djop gưl tơring čar rơbêh 8,9%, gưl tơring glông rơbêh 14,9% hăng gưl să rơbêh 33%. Mrô anai hơmâo Jơnum min mơnuih ƀôn sang tơring čar Kon Tum glăk djơ̆ hăng tơlơi pơkă hăng hơnong pơkă ba tơbiă.

VOV4.Jarai-Ƀrô tal hơdor glăi 79 thun hrơi akŏ pơjing kơnuk kơna Cộng hòa xã hội chủ nghĩa Việt Nam (2/9/1945-2/9/2024), mơguah lơ 30/8, ƀing khua mua amăng Khul apăn bruă Ping gah, Khua mir sir, Khua pơ ala mơnuih ƀôn sang dêh čar, kơnuk kơna, Jơnum min djop djuai ania mơnuih mơnam Việt Nam hơmâo nao dưm guang bơnga, mut nao pơsat jĕp hơ-ŭ hơdor kơ Khua mir sir Hồ Chí Minh.

VOV4.Jarai-Hơdôm hrơi anai, đơ đam dêh čar pơphun lu bruă mă sit nik pioh hơdor 79 thun hrơi akŏ pơjing kơnuk kơna Cộng hòa xã hội chủ nghĩa Việt Nam.

VOV4.Jarai - Mơguah lơ 30/8, Khua dêh čar ta ơi Phạm Minh Chính nao pơhmư̆ mông pok phun pơdŏng Anom Jơnum ngui sang čơ pơdă prưng dêh čar ta ƀơi tơring glông Đông Anh, Hà Nội.

VOV4.Jarai - Gum hrŏm hăng tơring glông amăng bruă pơphun jơnum ngui sầu riêng ƀơi Krông Pač, Anom bruă apui lơtrik Dak Lak hmâo ngă giong hơdôm bruă pơhlôm pơkĕ apui lơtrik pơhlôm.

VOV4.Jarai-55 thun laih rơgao, tơlơi pơmin, hră pơtă pơtăn glăi mơ̆ng Wa nao hrŏm hăng mơnuih ƀôn sang djuai ania dêh čar, pơčrang bơngač, čung ba abih bang ping gah, ling tơhan kjăp pran jua hăng tong ten amăng bruă mă, tơlơi pơmin hơkrŭ mơ̆ng Ñu.

VOV4.Jarai-Mơguah tom brơi, lơ 29/8, ƀơi Hà Nội, Khua git gai ping gah, Khua mir sir ơi Tô Lâm git gai mông jơnum mă bruă hăng Khua mua ping gah Ding jum pơtom hiăp kơ bruă pok pơhai ngă tui jơlan hơdră pơtom hiăp jơnum ruah khua ping gah dêh čar tal XIII pơtrun laih anun anom bruă pơtom hiăp či ngă tui dơ̆ng thun blan pơ anăp.