Čơkă mơ-ak hơdôm bôh anom bơwih ƀong nao pơhmư̆ mông bơkơtuai, Khua git gai pơ ala mơnuih ƀôn sang dêh čar ơi Trần Thanh Mẫn lăi rơđah, tal rai čuă anai ƀu kơnong kơ pioh hơkrŭ đĭ tơlơi rô nao rai bruă kơđi čar, khua pơ ala mơnuih ƀôn sang ôh mơ̆, ñu dô̆ pok tơbiă tơhnal gal pơtrut gum hrŏm bơwih ƀong, sĭ mơdrô hăng tuh pơplai - bruă mơ̆ wot dua bơnah leng kơ hmâo anô̆ gal prong pioh gum hrŏm mă yua.

Kiăng pơtrut, ngă dơlăm, pơhlôm abih bang hăng ba glăi bôh tơhnal hloh gum hrŏm kơplah wah khul bơwih ƀong 2 bôh dêh čar hăng phun ñu lĕ tuh pơplai hăng sĭ mơdrô, Khua git gai pơ ala mơnuih ƀôn sang dêh čar rơkâo, dua bơnah khom ngă gal klă kơ hơdôm bôh anom bơwih ƀong Việt Nam hăng Armenia na nao hmâo hơdôm tơhnal gal bơkơtuai, hơduah ĕp hăng mă yua hơdôm tơhnal gal gum hrŏm, tuh pơplai, biă ñu amăng hơdôm bruă hmâo lu anô̆ gal hăng tơlơi kiăng yua. Dua bôh dêh čar khom kơtưn bơkơtuai nao rai grŭp hơdôm gưl, biă ñu gưl dlông pioh hơkrŭ đĭ pran đăo kơnang kơđi čar hăng pơtrut gum hrŏm amăng hơdôm bruă hmâo anô̆ gal./.