Khua dêh čar lăng yom bruă mă, tơdơi kơ hơmâo Hră pơtrun, tơlơi pơčrâo ba, hră klah čun, pơtong sit tơpă, hmao kru, djơ̆ hrơi blan pơkă mơ̆ng ƀôn prong, tơring čar, truh pơ să, plơi pla, kiăng ngă bruă bơ tŭ ư hrŏm sa pran jua amăng djop ding jum, anom bruă, sang bruă kơnuk kơna.

Khua dêh čar brơi thâo, rim tơring čar hơmâo anŏ gêh găl phara; kơnong hơjăn ƀôn prong Hồ Chí Minh, phrâo anai hơmâo pơblih khua mua pơprong amăng ƀôn prong samơ̆ tañ mơ̆n ngă hơđong tơlơi pơhing, pơhrŏ ngă hơbôt truh 15%, dăp glăi kiăng hrŏ trun truh 20%. Khua dêh čar lăi lĕ, tal ĕp lăng anai hơduah ĕp tơlơi hrăm yom, ba gru hlâo ngă djơ̆, hiam; ngă bruă amuñ pơhrŏ hĭ sang bruă gong jơlan, ngă gêh găl brơi sang bruă sĭ mơdrô hăng mơnuih ƀôn sang. Khua dêh čar rơkâo, 3 boh tơring čar hăng ƀôn prong anai pơtum nao pơtrut pơđĭ kyar bơwih ƀong huă, kiăng pơhlôm hơđong hăng tañ samơ̆ kơjăp.