VOV4.Jarai - Mơguah lơ 8/3 (tui mông dêh čar Australia), ƀơi plơi prong jưh jom Canberra, amăng hrơi nao čuă sit nik dêh čar Australia, Khua dêh čar Phạm Minh Chính nao čuă, mă bruă ƀơi grup kơsem min boh thâo ia rơgơi hăng tuh tia pơkra ming Khul pơdrong asah hrŏm (CSIRO).

VOV4.Jarai-Mơguah tom brơi, lơ 8/3, ƀơi ƀôn prong Hải Phòng, ƀut pơplông mơ̆ng 5 boh ƀôn prong gah dêh čar wai lăng hơmâo: Ƀôn prong Hồ Chí Minh, Hà Nội, Hải Phòng, Đà Nẵng, Cần Thơ, jơnum pơƀut bruă mă tui hră pơkôl pơplông thun 2023 laih anun kĭ glăi dơ̆ng bruă ngă tui tơlơi ƀuăn pơplông amăng thun 2024.

VOV4.Jarai - Tlam tom brơi (5/3) tui mông dêh čar, ƀơi plơi prong Melbuorne, Khua dêh čar Phạm Minh Chính nao hrŏm čơkă ƀing khua grup nao Jơnum bơkơtuai yua Khua dêh čar Australia Anthony Albanese git gai.

VOV4.Jarai-Anom bruă khul ling tơhan pơhrăm blah ngă, gah Sang bruă khua tơhan pơgang guai dêh čar tơring čar Dak Lak hnang blung anom bruă khul tơhan Đại đội 9 kông an mơnuih ƀôn sang blah ngă mơ̆ng tơring čar, dưi akŏ pơdong mơ̆ng lơ 30/07.1977. Bruă mă phun mơ̆ng anom bruă lĕ pơtô pơhrăm blah ngă kơ tơhan phrâo mut, pơtô ba ƀing tơhan tơguan ngă bruă sit či kiăng tơdah hơmâo tơlơi blah ngă. Abih rơwang thun giam mơkrah sa rơnuk thun, anom bruă anai ngă giong hiam klă na nao bruă jao, pơtô hrăm kơ tơhan phrâo mut thâo kơ hơdră blah ngă tŭ yua tui rơnoh jao mơ̆ng tơhan pơgang guai dêh čar tơring čar Dak Lak, Gia Lai, Kon Tum, Dak Nông, Khánh Hòa, Bình Định hăng Quảng Ngãi.

VOV4.Jarai-Jơnum min mơnuih ƀôn sang tơring čar Dak Lak pơphun jơnum pơkơtưn yôm phara čơkă hơdor glăi tal 120 thun akŏ pơdong tơring čar hăng pơphun bruă mă pơplông hơduah ĕp glăi gru phun 120 thun akŏ pơdong, pơđĭ kyar tơring čar Dak Lak.

VOV4.Jarai-Ƀrô hơdor glăi tal 114 thun hrơi Jar kmar pioh kơ phung đah kơmơi lơ 8/3, ƀơi anom bruă Kơnuk kơna dêh čar , ding kơna khul git gai ping gah, Kơ-iăng khua dêh čar, ơi Lê Minh Khái bưp ƀô̆ mơta hăng ƀing pơ ala brơi khul đah kơmơi thâo hră ba gru hlâo hăng jao pri anăn Kovalefskaia thun 2023.

VOV4.Jarai-Tlam tom brơi, lơ 7/3, ƀơi sang bruă pơ ala mơnuih ƀôn sang dêh čar, či plơi prong jưh jom Canberra, dêh čar Australia, Khua dêh čar ta, ơi Phạm Minh Chính hơmâo mông bưp ră ruai tom Khua gơnong dlông pơ ala mơnuih ƀôn sang dêh čar Australia, yă Sue Lines.

VOV4.Jarai-Ƀrô hrơi jar kmar pơpŭ đah kơmơi lơ 8/3 hăng hrơi tơgŭ hơkrŭ Hai Bà Trưng, tlam mơmŏt tom brơi (7/3), ƀơi Ƀirô mă bruă, Khua git gai pơ ala mơnuih ƀôn sang dêh čar ơi Vương Đình Huệ bưp ƀô̆ mơta ƀing đah kơmơi ngă Khua pơ ala mơnuih ƀôn sang gah gơnong glông hăng đah kơmơi ngă khua mua amăng anom bruă Khua pơ ala mơnuih ƀôn sang, anom bruă kơsem min čih pơkra tơlơi phiăn.

VOV4.Jarai - Amăng hrơi blan laih rơgao, kông ang tơring čar Lâm Đồng hơmâo pơsir hĭ hơdôm rơbâo wŏt bruă mơnuih mơgăt rơdêh ngă soh, ƀơƀrư̆ pơjing tơlơi juăt tơdah mơñum tơpai ƀiêr anăm mơgăt rơdêh dong tah.

VOV4.Jarai-Ƀơi plơi prong Kon Tum, grup hyu mă bruă mơng Ping gah khul anom bơwih ƀong sĭ mơdrô kơnuk kơna pơphun jơnum pel ĕp bruă pơjing Ping gah 5 thun (2020-2025) hăng ngă tui bruă gum hrŏm kơplah wah Ping gah grup bơwih ƀong, kông ti, sang bruă prăk sĭ mơdrô Kơnuk kơna hăng gưl Ping gah ƀon lan tui tơlơi pơtrun mrô 61 mơng Khul čih pioh.