VOV4.Jarai - Amăng hơdôm hrơi nao čuă sit nik dêh čar Australia, tlam lơ 7/3 tui mông ƀơi dêh čar anai, Khua dêh čar Phạm Minh Chính bưp yă Sharon Claydon, kơ-iăng khua git gai pơ ala mơnuih ƀôn sang gơnong yŭ, Khua grup khua pơ ala giang mah dêh čar Australia-Việt Nam hăng ƀing khua gum bruă pơkŏn.

VOV4.Jarai – Mơguah lơ 07/03, tơdơi kơ ngă Lơphet čơkă yôm phăn ƀơi Sang mă bruă Khua pơ ala mơnuih ƀôn sang dêh čar, Khua dêh čar ta Phạm Minh Chính hmâo laih bruă bơkơtuai dơlăm hăng Khua dêh čar Australia Anthony Albanese.

VOV4.Jarai-Ƀrô hơdor glăi hrơi jar kmar pioh kơ ƀing đah kơmơi lơ 8/3, mơguah lơ 6/3, Kơ-iăng Khua mir sir yă Võ Thị Ánh Xuân hơmâo mông bưp ƀô̆ mơta hăng ƀing đah kơmơi ngă khua anih jưh pơ ala ƀơi Việt Nam, khua anih jưh pơ ala anom bruă, khul grup mơ̆ng jar kmar hăng hyu čuă jơmư plơi pla gru đưm Đồng Kỵ, Từ Sơn, tơring čar Bắc Ninh.

VOV4.Jarai-Mơguah hrơi anai, lơ 7/3, tui mông dêh čar Australia, Khua dêh čar Australia, ơi Anthony Albanese hăng bơnai ñu git gai ngă lơphet čơkă Khua dêh čar ta ơi Phạm Minh Chính hăng bơnai ñu laih anun grup khua mua mơ̆ng kơnuk kơna Việt Nam hlăk nao čuă sit nik dêh čar Australia mơ̆ng lơ 7-9/3.

VOV4.Jarai – Ƀơi anăp amra phang khôt, kơƀah ia kơ phun pla Bơyan Puih amăng hơdôm blan rơnuč bơyan phang, gơnong bruă đang hmua tơring čar Kon Tum ră anai glăk kơtưn wai lăng ia yua ƀơi hơdôm bôh dơnao bơnư̆ ia hăng pơđoh hyu, mă yua ia djơ̆ rơ-oa, pơkrem pioh pơhlôm hlâo kơƀah ia.

VOV4.Jarai – Lơ 6/3, Jơnum min mơnuih ƀôn sang tơring glông Lak, tơring čar Dak Lak pơphun ngă Lơphet lăi pơthâo Tơlơi pơsit mơ̆ng Khua dêh čar, tŭ yap să Nam Ka lĕ să Pơhlôm kual mơ̆ng Kơnuk kơna amăng rơnuk blah ayăt Prang hăng ayăt Mi.

VOV4.Jarai-Mơguah lơ 6/3, ƀơi sang adoh suang prong Hà Nội, jơnum jao hră apah bơni anăn mơnuih rơgơi kơhnâo, mơnuih kơhnăk bruă mă NSND, NSUT tal 10.

VOV4.Jarai-Mơguah tom brơi, lơ 6/3, Khua Jơnum min djop djuai ania mơnuih mơnam Việt Nam ơi Đỗ Văn Chiến hrŏm hăng grup hyu mă bruă hơmâo mông mă bruă hăng khua mua phun git gai ping gah tơring čar Điện Biên kơ akŏ bruă ngă tui kơčăo bruă jak iâu djru man pơdong sang gum pơgôp kơ mơnuih ƀun rin anăp nao hơdor glăi tal 70 thun Blah dưi ƀơi Điện Biên Phủ; akŏ bruă pơphun pơpŭ, hodor tơngia kơ ƀing tơhan khin hơtai djai pơsăn drơi jăn yua kơ lŏn ia, ƀing nao blah ngă hrŏm ƀơi Điện Biên Phủ tơring čar Điện Biên.

VOV4.Jarai - Mơguah lơ 6/3, Khua dêh čar ơi Phạm Minh Chính pơhmư̆ mông Jơnum khua mua Yôm pơphăn ngă lơphet 50 thun rô nao rai ASEAN - Australia ƀơi Melbourne, Australia.

VOV4.Jarai - Tlam tom brơi (5/3), ƀơi Sang bruă pơ ala mơnuih ƀôn sang dêh čar, Ding kơna Pin g gah grup khua pơ ala mơnuih ƀôn sang dêh čar, Khua git gai pơ ala mơnuih ƀôn sang dêh čar ơi Vương Đình Huệ git gai mông ngă bruă kơplah wah Ping gah grup khua pơ ala mơnuih ƀôn sang dêh čar hăng Khul khua apăn bruă Ping gah ƀôn prong Hà Nội kơ Tơlơi phiăn plơi prong jưh jom (pơkra glăi); Bruă pơkă hơnong čuk pơkra plơi prong jưh jom Hà Nội rơwang thun 2021-2030, lăng nao pơ thun 2050 hăng Kơčăo bruă pơplih pơkă hơnong čuk pơkra plơi prong jưh jom Hà Nội truh pơ thun 2045, lăng nao pơ anăp thun 2065.