Pơhiăp amăng mông bưp, Khua git gai Ping gah dêh čar ta ơi Tô Lâm pơtŏng sit, amra gir run abih pran jua pô, ngă giong klă bruă jao mơ̆ng Khua pơ ala mơnuih ƀôn sang plơi prong jưh jom, Kiăng djơ̆ hăng tơlơi čang rơmang mơ̆ mơnuih ƀôn sang đăo kơnang.

Gah bruă pơgang, pơgăn hưp ƀong kông ngăn, tơlơi ngă soh, ngă khưi khai prăk yua, Khua git gai Ping gah dêh čar pơtŏng sit, ăt pơphun khut khăt mơn, ngă giong, biă ñu tơdơi kơ Ding jum kơđi čar, Grŭp git gai Ping gah dêh čar pơsit ba tơbiă dong bôh yôm pơgăn prai prăk khưi khai amăng bruă jao mơ̆ng Grŭp črâo ba pơgang pơgăn hưp ƀong kông ngăn, tơlơi ngă soh dêh čar ta. Ăt amăng mông bưp mơn, Khua git gai Ping gah dêh čar hmâo lăi glăi hơdôm tơlơi đing nao mơnuih ƀôn sang, hrŏm hăng anun rơkâo Grŭp khua pơ ala mơnuih ƀôn sang dêh čar ƀôn prong Hà Nội gum hrŏm hăng hơdôm bôh ƀirô mơ̆ng ƀôn prong čih djă pioh abih bang tơlơi gum pơhiăp mơnuih ƀôn sang, pel ĕp glăi hơdôm bôh yôm pioh rơkâo hơdôm bôh ƀirô hmâo tơlơi dưi mơ̆ng Dêh čar hăng Khua pơ ala mơnuih ƀôn sang pơsir./.